Стихи на чукотском. Нывэлынвык.
Антонина Кымъытваал.
Маччьэңатгъэ
Окватыткольанма.
Эмлинлиңык
Омом гынин нъэлгъи.
Эмнуң нақам
Алямачы мургин
Эейвэчкэ игыръугъи пэтле.
Э’қэңэй-ым къалейпыгъэ нэмэ,
Этлы ивкэ:
«Малярака тумгыт?»
Гынуннутэк
Ковлёрвықай мурггин
Пычегтывай,
Эмрэткивңэ нутэк.
Мыттарагмык
Манэграта кынмал –
Ңирэмури нылемури ынкы,
Қэйвэ колё
О’равэтльан нэмэ
Гагачавлен
Лымынкыри пэнин,
Лылепыльын
Камчечеты ивнэ.
Мачыргынан
Лылепыльыт ынкы:
Мури игыт
Милютэмил илкэ,
Гыроръогъат
Чимгъурилти мургин.
Мыттарогмык.
Лиңилюқэй
Ырпэкылмил эрга –
Гагчавыркын
Ымыльэты увик.
Гыпитумгын
Оммачайпычьата.
Эмнуңқэе
Энатомгылпынрыгъэ.