Google ____________________________________________________________________

Стихи на чукотском. Йилыльын тъатчаркын.
Антонина Кымъытваал.

Стихи на чукотском. Антонина Кымъытвааль.Тумгигыт, йилыльын э’ми?
Э’қылиэ мынйъогъан! Э’ми?
Эқылпэ қъэйңэквын анны,
Қывинрэт инэльук, Ваңэй!
Амалва йилинл ынан
Тэнлыги лынъёлқыл. Вынэ!
Выргыргын валёмгъан гынан?
Ңоты рай Азияк нэмэ
Э’қэльин пэглягъэ ырыт!
Эқылпэ йилыльын қоро:
Игытқэй мынивын варат,
Нутэнут: «Қықэнтэн вынэ!
Қиквынэт вататтэ ынңот:
- Рақылқыл ырпэкыл, рақыл,
Рақылқыл ырпэкыл анны, -
Қиквынэт, Нутэйгыт, гынан
Ымыльо, ваткольыт гынык, -
Оккой а’м э’ткиңин марав!
Ирвиир рақылқыл, варат!
Ивкэқун қычимгъу ынңот:
Бомбайңын атомэн пэгляй,
Пэглягъат ымыльо ирвыт,
Пэглягъат ымыльо бомбат…
Нутэнут оккой вай, қыгит,
Юнэтгъи… юнэтгъи… Аны!
Йилыльын эқылпэ э’ми?
Қиквынэт вараттэ ынңот:
- Ратан а’м эрвийңын тэйкык,
Э’қэчьэт варатэн – рақыл.
Тэрмэңчит тутъыргин рақыл.
Гаймычьын нотайңэн гынан,
Қытэйвыңгын ыннаны лыгэн.
Рақылқыл қръачет ирвэ!
Йилыльын, қиквынэт ытльат:
- Рэвъиңыт нэнэнэт, эвыр
А’тчата ратваркынэтык,
Рэвъигъэ ымыльо варат,
Ыныкит рапэгля ырыт,
Ыныкит игыткин марав
Люур вай рэпкиры мурык,
Рэпкиры нэмықэй турык,
Рэпкиры лымынкы ырыт…
Рэвъиңыт нэнэнэт ымы,
Нэнэнэт вэлвальыт лыгэн,
Танңавма, лёома ымы,
Нэнэнэт вэлвальыт лыгэн,
Танңавма, лёома ымы,
Лымканма, вэлвальыт лыгэн.
Ңэвысқэт, валёмэ қэйвэ?
Оккой а’м қывалём вынэ!
Қывинрэт ръотавкы марав!
Ы’вэқуч, ынпычьын экык,
Ымыльо қлявыл гынин
Чимгъуйгут қынтыгын гынан.
Ыныкит ымыльо ынңин
Қэтпэты рэнъэлы игыт,
Эрвыйңын эвыр рай марав
Гаймаңэн мъынъарэн кынмал,
Гайманэн! Нэрмэқин гынин
Қулиқул, ңэвысқэтигыт,
Йытогъан Нутэнин варат,
Миңкри-ым амгынан эвын
Эмгыыт лымалё ынан,
Ытльайгыт, йытоткольэгыт;
Эченур ымэва гынан:
«Оккой а’м рықылқыл марав!»
Йилыльын, қиквынэт гынан
Ымыльо ңэвысқэтгинив:
- Қынъотав эрвыйңын – марав!

НАЖИМАЯ НА КНОПКИ, ВЫ ПОДДЕРЖИВАЕТЕ ЖИЗНЬ САЙТА - СПАСИБО)
_________________________________________________________________________________________ авторизуйтесь, нажав на любую из кнопочек соц. сети, оставьте комментарий и его увидят ваши друзья
Социальные комментарии Cackle ____________________________________________________________________________________________ Пост! Instagram __________________________________________________________________________________________________________________________________________________________________________________________________________________________________________________________________________________________________________________________

Добавить комментарий

Ваш e-mail не будет опубликован.

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

вверх к началувверх к началу