Google
____________________________________________________________________
Стихи на чукотском. Ы’лгыльатгыргын.
Антонина Кымъытваал.
Қоо, ытлён ръэнут ы’лгыльатгырго
Тумгынырык, вэтгавтомга гэлгэ?
Мачкаквыргын ватомгэты – эты?
Ынпавэты юрэқ ынқэн гатва?
Гэтэңкэвэ ырынпэты, гивэ:
«Пэңътвэтгъи. А’тавынан ытлён…»
Пыниэвыльыт нэнэнэмкыт вэлво:
«А’тавынан. Мури ынан ы’лгу».
Қол-ым гивэ: «Ы’лгыңэвъэн гымнин
Кынныгнэқэн,, пыылчимгъульын, раңав,
Қымэл йыққай нытваморэ кынмал!»
Ы’лгытумгын – вэтгавтомгын мытив,
Кытаңъалё ымывэка лынъё.
Гъылгыльэтэ гыёльянвыт гылёк,
Анңэнанток отгыянвыт, тумгыт,
Эвлывъенток винрэтыльыт чама
Ленчыкойпы лылепыльыт кынмал.
НАЖИМАЯ НА КНОПКИ, ВЫ ПОДДЕРЖИВАЕТЕ ЖИЗНЬ САЙТА - СПАСИБО)
_________________________________________________________________________________________
авторизуйтесь, нажав на любую из кнопочек соц. сети, оставьте комментарий и его увидят ваши друзья
Социальные комментарии Cackle
____________________________________________________________________________________________
__________________________________________________________________________________________________________________________________________________________________________________________________________________________________________________________________________________________________________________________