Google ____________________________________________________________________

Стихи на чукотском. Тыңагыргын палёмтэлма.
Кымъытваал.

Ынңэ рольян антэрңавка,
Эвытлым гыныкы рэнагляты,
Эвытлым титэ нарарынногыыт.

***

Агагчавка рэтумгэвңык
Торльоёгты, коргавыльэты,
Эргатэты нэрэнқытрирэквыт,
Лыгэнэвыр нарантыяатгыт.
Қутти варкыт о’равэтльат,
Эмкырвинльуткувыльыт.

***

Ынңэ вичу элгыкэ
Қулильыльын нэнэны.
Пытқы э’тки қувлику
Онтымытвак ынпэвкы.

***

Рулевыльын о’равэтльан қыйъогын,
Пэлятыльын тылетумгын қывинрэт.
Ванляльэты эръэтъулқэй қытэйвың, -
Юрэқ ңотқо ырыкэмил рэнъэлгъэ,
Гыныкэмил рэринңыңыт нэнэнэт.

***

Ынңэ йъарат анъяйвыка нэнэны –
Ымыльоргэн нытэңқинэт нэнэнэт.
Ынңэ ымы а’тавъақо элгыкэ –
Ыныгрээн нэрэлгыгыт ивну.

***

Ынңэ йъарат анъяйвыка ңэвъэн,
Тумгыт ривңыт – мыңэлюркын этъым.

***

Таңпэраңав эрэльуңкэ ңэву,
Қылқыриргын ваңэңавқай ңэву.
Гымнан қыгит таңпэраңав ңэву –
Колё а’мын э’қэвиръэ мури, ымы э’ми ы’лгыльычгын уйңэ.

***

Этэгыттэмңыльэткэ –
Кувчемгъоян
Агыттапвэтгавчеткыльэн.

***

Эвыр мэңин винрэтын, -
Ынңэ йъарат атвэвыка
Вэнратгыргын, ривңыт –
Таароңыркын, эвытлым ы’ръунэтыркын.

***

Э’қэйилетыльэтыльын –
Нынкэвқин, нынпаавқэн
Валёмык.

***

Ирык эвытлым тъылык, -
Йъарат атъылкамаграръока:
Гэмо рэлгыңын тъылпаагыргын.

***

Қораңы равэнавма
Ынңэ атъарынъевыка,
Ынкъам атачайвэвыка:
Рэкэквъэ ынкъам
Равэчогалягъа.

НАЖИМАЯ НА КНОПКИ, ВЫ ПОДДЕРЖИВАЕТЕ ЖИЗНЬ САЙТА - СПАСИБО)

_________________________________________________________________________________________ авторизуйтесь, нажав на любую из кнопочек соц. сети, оставьте комментарий и его увидят ваши друзья

Социальные комментарии Cackle ____________________________________________________________________________________________ __________________________________________________________________________________________________________________________________________________________________________________________________________________________________________________________________________________________________________________________

А вот и похожие статьи

1. Стихи на чукотском. Эқуликэ…
2. Стихи на чукотском. Кэлиңэв.
3. Стихи на чукотском. Чайа’йңавыткогыргын.
4. Стихи на чукотском. Палқынтатгыргын.
5. Стихи на чукотском для детей. Лыгэран. Кымъытваал.
6. Стихи на чукотском. Льогытле. Кымъытваал.
7. Стихи на чукотском для детей. Илюкиңэ. Кымъытваал.
8. Стихи на чукотском. Тыңагыргын палёмтэлма.
9. Стихи на чукотском. Лылет.
10. Стихи на чукотском. Поо’н грэп.
11. Стихи на чукотском. Етгъи?..
12. Стихи на чукотском. Мырэқык?
13. Стихи на чукотском. «Галгаръогыргын».
14. Стихи на чукотском. Ръэт.
15. Стихи на чукотском. Панэнтомгэты.
16. Стихи на чукотском. Орвычематык.
17. Стихи на чукотском. Элянма.
18. Стихи на чукотском. Ы’лгытомгэты.
19. Стихи на чукотском. Лыгэрак.
20. Стихи на чукотском. Пэнинэйгым.
21. Стихи на чукотском. Эммургин.
22. Стихи на чукотском. Аңқы а’рэткольын.
23. Стихи на чукотском. Иа’м ымйыля?
24. Стихи на чукотском. Кэмчич.
25. Стихи на чукотском. Ымкоргаво.
26. Стихи на чукотском. О’расқэквыргын.
27. Стихи на чукотском. Выялвыял.
28. Стихи на чукотском. Ы’лгыльатгыргын.
29. Стихи на чукотском. Тургивиңит.
30. Стихи на чукотском. Вэрэнъёлқылтэ.
31. Стихи на чукотском. О’равэттомгэты.
32. Стихи на чукотском. Ңэвысқэттумгықэй.
33. Стихи на чукотском. Коргаквыргын.
34. Стихи на чукотском. Анадырь.
35. Стихи на чукотском. Рэңъатвыткольэты.
36. Стихи на чукотском. Кэвийыръын.