Google ____________________________________________________________________

Стихи на чукотском. Чайа’йңавыткогыргын.
Кымъытваал.

Колё а’мын нывэймэнқин варат –
Ынңин гатва мургин қонпы варат.
Ынқэната гымнан игыт тури
Чаётомго тъэйңэвыркынитык.

Янор китъам мынқитумык кынмал,
Қитын қэйвэ гынан эты лыги?
Эвыр гэмо, қыпалёмтэл янот:
Паа’тъолқай нынрамавқэн ынңот.

Қэйвэ гынан вилқитыгит лыги?
Эвытлым вай мынинэрмык кынмал,
Рытралгықай гымнан итык ы’лгу,
Эвыр гынан тыргытъулқэй қынэр?

Ымъым эвыт мынрэлқыпат чама,
Мутлымул-ым вэлчиин вай варкын,
Эймықылқыл тэгнымэлқин чама,
Эвытлым-ым мынрорато янор?

Кыкватъолтэ рапалгылгав етъа –
Эвыр итык тэгнук – қыномгоркын.
Мытқоранмат айвэ ынңытъэқэй –
Вэчьымвынэ мынқымлёмык кынмал?

Эвыр анны мынвэмылку чама,
Пъопат итык гынмыепқэй етъаң.
Эвек колё гэннульэтлин варат,
Вэчьым анны мынтэвъэлку чама?

Унмыңан-ым уунъыкэ игыт,
Рыпонталгав мынъуунъу кынмал.
Вэчьым вынэ рэръэтъулю лыгэн,
Таляпалгын, ңээ’н, вынэ қырэт.

Мурык этлы игыпэткэ мэңин,
Тэгнымэльэв мынчаёкват игыт.
Ымъылёңэт гачаёта мури
Этлятвама, ръэляткома тумгыт.

Чаёплыткок энарагты кынмал
Мынчаёсқэв, таңгэчевкы лыгэн.
Игыр нэмэ қоральанма вэймэн,
Қитигык-ым ялгытыльат нэмэ.

Китъам анны энараңав э’ми,
Мынъёпатын, мынчаёсқэв кынмал.

НАЖИМАЯ НА КНОПКИ, ВЫ ПОДДЕРЖИВАЕТЕ ЖИЗНЬ САЙТА - СПАСИБО)

_________________________________________________________________________________________ авторизуйтесь, нажав на любую из кнопочек соц. сети, оставьте комментарий и его увидят ваши друзья

Социальные комментарии Cackle ____________________________________________________________________________________________ __________________________________________________________________________________________________________________________________________________________________________________________________________________________________________________________________________________________________________________________

А вот и похожие статьи

1. Стихи на чукотском. Палқынтатгыргын.
2. Стихи на чукотском. Эмнуңкин льоткогыргын.
3. Стихи на чукотском. Амноңыльэты – эмнуң.
4. Стихи на чукотском. Эмнуңкы.
5. Стихи на чукотском для детей. Лилит . Кымъытваал.
6. Стихи на чукотском для детей. Рисоватъё. Кымъытваал.
7. Стихи на чукотском для детей. Илюкиңэ. Кымъытваал.
8. Стихи на чукотском. Тыңагыргын палёмтэлма.
9. Стихи на чукотском. Қыгитэгынэт лылет.
10. Стихи на чукотском. Поо’н грэп.
11. Стихи на чукотском. Етгъи?..
12. Стихи на чукотском. Энмэч тыглёркын.
13. Стихи на чукотском. Панэнтомгэты.
14. Стихи на чукотском. Элянма.
15. Стихи на чукотском. Ы’лгытомгэты.
16. Стихи на чукотском. Кэвынвык.
17. Стихи на чукотском. Тырэтипъэйңэгъэ.
18. Стихи на чукотском. Колё ивкэ…
19. Стихи на чукотском. Пэнинэйгым.
20. Стихи на чукотском. Эммургин.
21. Стихи на чукотском. Нывэлынвык.
22. Стихи на чукотском. Аңқы а’рэткольын.
23. Стихи на чукотском. Иа’м ымйыля?
24. Стихи на чукотском. Ымкоргаво.
25. Стихи на чукотском. Қырым матчьатык.
26. Стихи на чукотском. Амгынан тэнльуркын.
27. Стихи на чукотском. А’нқагыргын энаачо итык.
28. Стихи на чукотском. Ы’лгыльатгыргын.
29. Стихи на чукотском. Йилыльын тъатчаркын.
30. Стихи на чукотском. Нутин тъылгыргынн.
31. Стихи на чукотском. Вэрэнъёлқылтэ.
32. Стихи на чукотском. Анадырь.
33. Стихи на чукотском. Рэңъатвыткольэты.
34. Стихи на чукотском. Кэвийыръын.
35. Стихи на чукотском. Ңанқо тыляма.
36. Стихи на чукотском. Антонина Кымъытваал.