Google ____________________________________________________________________

Стихи на чукотском. Таңъэквырга…
Кымъытваал.

Стихи на чукотском. Антонина Кымъытвааль.Таңъэквырга ныкытрэвқэн увик
Гылёльатык ченэтрагты, қэйвэ.
Этъым ынңин линлиң люур чывик
Нъыгтъанқатын эмчымқыку лиңык.

Ы’мчыкойпы гэкэвкитэ увик,
Ленчыкойңын гэлгипыгтэ а’мын,
Лылеқэе гагтъарэта ңэвэқ
Вэнвынтольыт авэтывақ мэрэт.

Гакэтъота челлётыльын эмнуң,
Мэрынрэқэй типъэйңэльын вээм,
Кытийгықай илюльыльын тэнңу,
Лыгэңъэлю ынныткэльын чыгэй.

Ныкирукы қаврыткийңын эрга,
Қынур лыгэн лымңылченма кынмал.
Эмрэльуңэ қорақагтэ тэрга
Энайъоркын, ы’мпаңгыргын увик!

Лыгэрыров ңылынтольыт ярат
Қимпықэву эмнуңыльэ гэлгэ.
Рамкыльэты гакоргава варат!
Гайколята ынанэлгыналга!

Рылыпэты рачаёркын рэмкын,
Равъенторкын торийпаё эры.
Рэмңэлюркын тэңэнвилкэ рэмкын,
Ивкэ а’мын ырыгрээн игыр!

Э’ми а’мын қитпықэвти гымнин
Гынникқэгти, галгақагтэ мургин?
Ивкэ кытэ мамрагтыгъак игыт!
Мэмльусқивын ы’лгынутэн гымнин.

НАЖИМАЯ НА КНОПКИ, ВЫ ПОДДЕРЖИВАЕТЕ ЖИЗНЬ САЙТА - СПАСИБО)
_________________________________________________________________________________________ авторизуйтесь, нажав на любую из кнопочек соц. сети, оставьте комментарий и его увидят ваши друзья
Социальные комментарии Cackle ____________________________________________________________________________________________ Пост! Instagram __________________________________________________________________________________________________________________________________________________________________________________________________________________________________________________________________________________________________________________________

Добавить комментарий

Ваш e-mail не будет опубликован.

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

вверх к началувверх к началу