Стихи на чукотском. Ивыркыт ванэван нычисгъун нэмэ. Кымъытваал.
Ивыркыт ванэван нычимгъун нэмэ,
Ванэван гырэпыт нынтомгавнэнат,
Ванэван томгэты стихыт нэмэ
Гитэйгут титэ вай нынтыркынинэт.
Ынңин вай тумгымкыт ивыркыт нэмэ.
Ивыркыт, таңгэмо чимгъуқэй гымнин!
Ыннъэм вай пэнинмил гаглёта левыт,
Гъэйңэвэ леңгыпы қулиқэй эвыт.
Пэнинэмил гэльутэ и’и’кин левыт,
Тиркықэй-омыквын нутэкин мургин.
Тиркыкэй-коргыквын вагыргэн, рэңин
Қораргэн ватапэн, вытвытэн қэргын.
Пэнинмил ейвэчу нэнэнэт гымнан
Тэргыльыт ңаргынок, маравма варат,
Пэнинэмил экэвку тэрмэчьың гымнан,
Пэнинэмил гэльутэ тэгнутэк ярат.
Пэнинэмил гэнкитэ чимгъуркын левыт,
Қонпыгмэл гылёркын линлиңқ́й эвыт,
Пэнинмил стихыт вэнвытва-тыва
Тэңытръэч чимгъуну, вагырго лынъё!